Shqipëria është përballuar me goditje të importuara nga Bashkimi Europian njësoj si vendet e rajonit dhe si një përgjigje efektive kemi kombinuar instrumentet e politikës monetare, masat makroprudenciale dhe reformat e sektorit financiar.
Deklarata është bërë nga Guvernatori i Bankës së Shqipërisë, Gent Sejko, gjatë një leksioni në shkollën për Shkencat Politike dhe Ekonomike të Londrës. Sipas Guvernatorit, efektiviteti i politikave të ndërmarra nga Banka e Qendrore u rrit nga fleksibiliteti dhe fuqia relativisht e mirë e ekonomisë shqiptare.
Pavarësisht kësaj, Banka e Shqipërisë mbetet e kujdesshme dhe gjithmonë në monitorim të vazhdueshëm të ndërlikimeve të mundshme negative të situatës dhe sfidave më të cilat përballet ekonomia jonë.
Në përfundim, Guvernatori theksoi se axhenda e politikave strukturore është thelbësore përpërmirësimin e ekonomive të rajonit të Ballkanit Perëndimor, për t’i afruar ato me shtetet anëtare të BE-së dhe për të siguruar që të jemi partnerë të barabartë dhe të merituar kur tëvijë koha për t’u bashkuar.
Lorenc Rabeta/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
