Shqipëria ka eksportuar afro 55.1 miliardë lekë produkte bujqësore gjatë vitit që lamë pas, me një perfomancë pozitive krahasuar me një vit për parë. Por cilët nga nën sektorët dhanë kontributin më të madh dhe mbajnë peshën kryesore?
Referuar të dhënave zyrtare të Ministrisë së Bujqësisë, si më vlerë edhe në sasi, bujqësia është më konkurruese dhe kryesisht me produkte të serave që tregon përtej kufijve. Por, nëse do të bëjmë një analizë referuar strukturës së eksporteve në vlerë, vihet re se bujqësia dhe industria zënë thuajse të njëjtën peshë, respektivisht me 42.7 për qind dhe 42.2 për qind.
Pra në total janë shitur 23.5 miliardë lekë prodhime bujqësore dhe 23.2 miliardë lekë prodhime të përpunuara. Ndërsa peshkimi zë 14.1 për qind dhe blegtoria është në nivele shumë të ulëta me vetëm 0.9 për qind.
Nëse analiza do të bëhej referuar tregtisë së këtyre produkteve në sasi, vihet re se bujqësia ka eksportuar thuajse dyfishin e produkteve agroindustriale, të cilat janë kryesisht produkte të përpunuara dhe paketuara, ndërsa ka gjeneruar thuajse të njëjtën vlera monetare.
E thënë ndryshe pavarësisht sasisë së përgjysmuar, agroindustria të konkurrojë në vlerë dhe ndoshta të fitojë më shumë. Ndërsa peshkimi ka eksportuar vetëm 2.3 për qind dhe blegtoria 0.9 për qind. Ministria e Bujqësisë synon që përgjatë këtij vitit eksportet bujqësore të arrijnë në 60 miliardë lekë, me një rritje afro 5 miliardë lekësh.
Elisabeta Dosku /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
