Qytetarët dhe sipërmarrësit shqiptarë do të paguajnë 16 miliardë lekë, me kursin e sotëm të këmbimit rreth 155 milionë euro më shumë taksa për pronat e tyre.
Sipas relacionit të projektligjit, “Për taksën mbi pasurinë e paluajtshme”, taksa mbi pronën në vitin 2026 do të jetë sa 0.1 deri në 1 për qind të Prodhimit të Brendshëm Bruto nga 0.32 për që ishte gjatë 2022-shit. Përkthyer në vlerë, nga 5.3 miliardë lekë vitin e shkuar, 61 bashkitë në vend pritet të arkëtojnë 18-25 miliardë lekë kur ligji të hyjë në fuqi në 2026-n.
“Duhet kuptuar fillimisht se sa aftësi kanë shqiptarët që të paguajnë. Ky objektiv duket i vështirë për t’u arrirë. Ndaj duhej të kishim një studim paraprak.”
Imeldi Sokoli – Pedagog dhe urbanist
Aktualisht Shqipëria është vendi me normën më të ulët të mbledhjes së të ardhurave nga taksa mbi pasuritë e paluajtshme me vetëm 0.32 për qind të Prodhimit të brendshëm bruto> në Rajon ky tregues është në nivelin e 0.8 për qind, në vendet europiane 1.1 për qind dhe në shtetet e zhvilluara si Shtete e Bashkuara të Amerikës 2 deri në 2.4 për qind.
“Dhe ky është problemi më i madh. Ne duhej të kishim analizuar treguesit për të kuptuar se pse ligji i deritanishëm nuk ka dhënë rezultat.”
Agron Haxhimali – Drejtor Ekzekutiv i Institutit për Bashkitë e Shqipërisë
Për herë të fundit metodologjia e përllogaritjes së taksës mbi pasuritë e paluajtshme u ndryshua në vitin 2018. Qeveria rriti pritshmëritë për arkëtime, ndërsa pushteti vendor parashikohej se do të mblidhte deri në 100 milionë euro në vit, por kjo nuk ndodhi.
Taksimi i pasurive të paluajtshme, kush ka dy apartamente do të paguajë më shumë
Harta e çmimeve të reja të apartamenteve, Astiri me rritjen më të madhe, në ish-Bllok referenca arrin në 228.000 lekë
Burimi: A2 CNN
