Administrata tatimore i ka dërguar një letër biznesve ku i kërkon që të hartojnë që në fillim të Janarit inventarët fizikë të vitit 2022. Konkretisht, në letër thuhet se “si tatimpaguesi i regjistruar me përgjegjësi tatimore për tatimin mbi fitimin paraprakisht përgatitjes së faturave financiare të vitit paraardhës, ju rikujtojmë se ju duhet të përgatisni inventarët e datës 31.12.2022. Inventari duhet të përmbajë informacione në lidhje me lëndën e parë, produktet e gatshme, mallrat për rishitje, të detajuara në njësi, sasi, çmim dhe vlerë”.
Sipas dokumentit. “ky infomacion duhet të dorëzohet pranë Drejtorisë së Tatimpaguesve të Mëdhënj, në formë shkresore, i fimorsur dhe vulosur nga përfaqësuesi i shoqërisë, ose të ngarkohet elektronikisht në sistemin e tatimeve e-filing në rubrikën “çështjet e mia”.
Por baza ligjor nuk i përkon kësaj kerkese. Sipas nenit 60 të ligjit për procedurat tatimore, “kërkesa e administratës tatimore për shpjegime shtesë bëhet vetëm për infomacione të lidhura me transaksionet tregtare të tatimpaguesit, proceseet ose procedurat teknike dhe me operacionet financiare ndërmjet tatimpaguesit dhe palëve të treta”.
Ekspertët fiskalë sqarojnë se inventarët në nivelin bazik të të kuptuarit, nuk janë as shpjegim shtesë, as transaksion tregtar dhe as proces a procedurë teknike me palë të treta.
Sipas urdhëzimit të Ministrisë së Financave “Për tatimin mbi të ardhurat” , “Tatimpaguesi dorëzon brenda datës 31 mars, inventarin analitik të mallrave si dhe inventarin e aktiveve afatgjata gjendje deri më 31 dhjetor të vitit fiskal”. Kështu, kërkesa e tatimeve hedh poshtë këtë udhëzim dhe u krijon presion bizneseve, të cilët duhet të lënë pas dore veprimtari të tjera, për të përpiluar ngutshëm këtë inventar.
Elisabeta Dosku /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
