Miliarderi Elon Musk ka gati rivalin e ChatGPT, një platformë që sipas tij do të quhet “TruthGPT”, sfidanti më i mirë i popullores Inteligjenca Artificiale.
“Do të nisë shumë shpejt diçka që do ta quajë “TruthGPT”, për të ofruar të vërtetën e Inteligjencës Artificiale, për të kuptuar sa më mirë e qartë natyrën e universit”, tha Musk në një intervistë televizive.
Ne nuk do të ofrojmë, tha miliarderi, një platformë për të sfiduar njeriun, sepse ne njerëzit, jemi pjesa më interesante e këtij universi. Tashmë, Musk e ka gati kompaninë që do të merret me krijimin e lançimin sa më parë të Inteligjencës Artificiale.
Kompania e re është regjistruar në Nevada, atje ku edhe ka nisur punën për të zhvilluar sisteme më të fuqishme sesa OpenAI, duke lançuar menjëherë GPT4.
Musk bëri edhe disa paralajmërime për inteligjencës artificiale, duke thënë se nuk ishte aspak e mirëmenduar, por sipas tij, ka një potencial shkatërrues për civilizimin, shumë shpejt.
Sipas Musk, rreziqet e inteligjencës artificiale, ai i ka diskutuar me ish-presidentin amerikan, Barack Obama, që kur ky i fundit drejtonte Shtëpinë e Bardhë dhe në atë kohë i ka kërkuar që të hartohet një legjislacion për të nxitur rregullimin e përdorimit të inteligjencës artificiale, sot sipas Musk është shumë vonë.
Burimi: A2 CNN
