‘Thashethem vere’! Kështu e ka cilësuar ministrja e Financave Delina Ibrahimaj lajmin që qarkulloi në media për shkarkimin e saj nga detyra. Para nisjes së Asamblesë së Partisë Socialiste, ministrja tha për mediat se as nuk ka dhënë dorëheqjen dhe as nuk është shkarkuar nga detyra, duke u dhënë fund lajmeve që qarkullonin lidhur me ndryshimet në kabinetin qeveritar.
Lajmin e ka përgenjeshtruar edhe kryeministri Edi Rama pasi u pyet nga mediat.
Delina Ibrahimaj mban detyrën e ministres së Financave dhe Ekonomisë që prej shtatorit të vitit 2021, pasi kishte drejtuar më herët Institutin e Statistikave dhe Drejtorinë e Përgjithshme të Tatimeve.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.