Edukimi është një nga shtyllat thelbësore të Përgjegjësisë Sociale së Tirana Bank. Sponsorizimi i laboratorit të IT në Fakultetin e Teknologjisë së Informacionit është simbol i angazhimit të Tirana Bank ndaj gjeneratës së ardhshme të pionerëve digjitalë dhe kultivimit të talenteve.
Dekania e Fakultetit, Znj. Elinda Meçe, u shpreh falenderuese ndaj Tirana Bank për mbështetjen e vazhdueshme, në misionin e përbashkët për përgatitjen e brezit të ri për tregun e punës.
“Sigurisht që mbështetja që i dha Tirana Bank është një vlerë e shtuar në krijimin e laboratorëve të informatikës në funksion të sa më mirë dhe sa më afër tregut të punës të studentëve të fakultetit tonë. Digitalizmi është një sfidë e jona në mënyrë që studentët të jenë gati për të ju përgjigjur transformimit digital dhe ne kemi vendosur si prioritet bashkëpunimin me industrine dhe kompanitë që operojnë në fushën e teknologjisë së informacionit dhe së fundmi jemi fokusuar në sistemin bankar duke ditur se transfoermimi digital në këto institucione është shumë I zhvilluar dhe për ti përgaditur studentët tanë të jenë sa më afër tregut të punës.”
Drejtori I Përgjithshëm Ekzekutiv i Tirana Bank Z. Dritan Mustafa , u shpreh se është një kënaqësi e veçantë të jetë prezent në këtë institucion që nuk është vetëm një bazë dije dhe inovacioni, por gjithashtu edhe partner në rrugëtimin tonë të transformimit digjital.
“Përmes kësaj mundësie që Tirana Bank dhe institucione të tjera financiare mund ta ofrojnë është një oportunitet i jashtëzakonshëm që u ofrohet studentëve për kushte më të mira mësimdhënie, por t’iu japim edhe mesazhin e duhur që studentët sidomos në fushën e teknologjisë së informacionit, janë kontigjenti I ardhëm që çdo institucion financiar do të donte ti përqaste për mundësitë e trajnimit dhe punësimit, nisur nga nevojat q ëka industria financuare ne pergjithësi dhe industria bankare në vecanti, përsa I përket zhvillimit të mbajtjes dhe rujtjes së kapaciteteve në fushën e teknologjisë së informacionit…… Ndaj këtu vjen edhe risia për studentët dhe për bankën në mënyrë që ti përafrojnë gjithnjë e më shumë pranë sistemit bankar dhe ne duam gjithmonë e më shumë të mbëshstesim studentët në këtë drejtim të cilët nesër mund të jenë kontigjent I ardhëm I punësimit.”
Z.Mustafa ftoi studentët të bëhen pjesë e leksioneve të hapura dhe programit Tirana Bank Students Hub si një mundësi për tu zhvilluar nëpërmjet programin të praktikës pranë Tirana Bank.
Tirana Bank mbetet e angazhuar drejt transformimit digjital të shërbimeve ndaj klientëve dhe të proceseve të brendshme.
Blerta Lata/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
