30 kompani turke që operojnë në sektorin e çelikut dhe 300 kompani nga Shqipëria dhe rajoni u mblodhën në Tiranë për të diskutuar për bashkëpunime të reja dhe investime të përbashkëta, me qëllim rritjen e volumeve tregtare.
Përfaqësuesit e Shoqatës turke së Eksportuesve të Çelikut, që ishte dhe organizatore e aktivitetit, e shikojnë Shqipërinë si një vend potencial, në kushtet kur sektori I ndërtimit ka pësuar rritje.
Zonën e Ballkanit, por edhe Shqipërinë e shikojmë si një vend potencial për rritjen e bashkëpunimit midis Turqisë dhe shpresojmë në një rritje të volumit tregtar pas këtij aktvivitetit. Qëllimi ynë është rritja e bashkëpunimit dhe vëllimit tregtar midis 2 vendeve tona dhe mendoj që me anë të aktiviteteve të këtij lloji shpresojmë t’ia arrijmë. Shpresojmë shumë që dhe kompanitë shqiptare të vijnë në Turqi dhe të fillojë lëvizja e tregut. Çeliku turk ekpsortohet në shumë vende të botës, kështu që ne duam edhe me rritjen e sektorit të ndërtimit në Shqipëri, çeliku turk të jetë i pranishëm në tregun shqiptar.
Për kompanitë turke rritja ekonomike dhe vendndodhja e Shqipërisë janë 2 faktorë të rëndësishëm, që i kanë nxitur për të ardhur në Tiranë.
Importet e hekurit dhe çelikut në Shqipëri përfaqësojnë mesatarisht 13% të volumit të importeve të vendit, duke zënë vendin e 2-të të importeve për nga volume, pas lëndëve të djegshme minerale.
Ndërkohë, që Shqiperia dhe Turqia kanë shtuar transaksionet përgjate viteve te fundit, duke e bere kete shtet partnerin e parë tregtar per nga volumet e importit dhe vendin e dytë tregtar për nga vlera e importuar ne vend ne 3 vitet e fundit.
Ola Mitre/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
