I gjithë kuadri i politikave ekzistuese të vendit tonë nuk mundëson harmonizimin e plotë me objektivat e zhvillimit të qëndrueshëm, ndërkohë që buxhetet e planifikuara për arritjen e tyre nuk mund të identifikohen qartë”.
Këto janë 2 prej përfundimeve në raportin e auditimit me temë “Objektivat e Zhvillimit të Qëndrueshëm”, të kryer nga Kontrolli i Lartë i Shtetit, që shton se kjo situatë vështirëson punën e institucioneve përgjegjëse për monitorimin, ndjekjen, arritjen dhe raportimin lidhur me këto objektiva. Pjesë e auditimit ishin disa institucione e më konkretisht: Kryeministria, Ministria e Financave dhe Ekonomisë, Ministria e Turizmit dhe Mjedisit dhe Ministria e e Shëndetësisë dhe Mbrojtjes Sociale.
Teksa i referohet praktikave ndërkombëtare, sipas KLSH-së, një buxhetim më i mirë në kontekstin e Agjendës 2030 do të thotë që kjo lidhje duhet të jetë e qartë, çka do të mundësonte përcaktimin në mënyrë më të saktë të fondeve të shpenzuara dhe nevojat për të ardhmen. Gjithashtu, kjo do të mundësonte monitorimin dhe raportimin mbi fondet e angazhuara dhe ndërmarrjen e masave të nevojshme për përmirësim.
17 Objektivat e Zhvillimit të Qëndrueshëm demonstrojnë nivelin dhe ambicien e Axhendës 2030, duke kërkuar të drejta të barabarta për të gjithë, fuqizuar e grave dhe vajzave si dhe integruar në mënyrë të pandashme një balancë midis tre dimensioneve të zhvillimit të qëndrueshëm, atij ekonomik, social dhe mjedisor.
Në shtator 2015, në takimin e Asamblesë së Përgjithshme të Organizatës së Kombeve të Bashkuara, qeveria e Shqipërisë, së bashku me 192 vendet anëtare të OKB-së, është angazhuar për zbatimin e Axhendës 2015-2030 për zhvillim të qëndrueshëm, nëpërmjet miratimit të deklaratës së përbashkët.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
