Është zhvilluar konferenca me fokus tranzicionin e ekonomisë lineare në një ekonomi qarkulluese. Panelistët trajtuan çështjet e rëndësisë së adoptimit të praktikave ekonomike të gjelbra, veçanërisht për start up-et innovative dhe se sa të gatshme mund të jenë bizneset të udhëheqin këtë ndryshim. Por cilat janë sfidat kryesore të Shqipërisë në kalimin drejt një ekonomie qarkulluese e të gjelbërt?
“GIZ së bashku me BE-në po mbështet Ministrinë e Mjedisit në përafrimin e kuadrit ligjor me direktivën e BE-së për menaxhimin e integruar të mbetjeve dhe për të kontribuar në Marrëveshjen Gjelbër të BE-së. Sfidë është zbatimi dhe veprimet konkrete të perafrimit ligjor, që do të thotë jo vetëm diferencimin e mbetjeve, por edhe respektimin e standardeve mjedisore për trajtimin e tyre si për shembull të baterive ose akumulatorëve. Sektori privat është ai që mbyll ciklin në ekonominë qarkulluese duke zhvilluar produkte dhe shërbime të gjelbra”, tha Christine Koenig Drejtuese Projekti Giz.
Ndërkohë Doktor Eugen Musta i ka përmbledhur në një studim të vetëm gjithçka përfshin transformimin e një ekonomie lineare në atë qarkulluese.
“Pamë që kishte një hendek në njohuritë midis ekonomisë qarkulluese dhe ekonomisë tradicionale, sesi këto biznese kanë informacion për ta implementuar atë risi të tregut, pra transformimin nga një ekonomi lineare në një ekonomi qarkulluese. Kjo ishte realisht arsyeja që besojmë se ne ndaluam për të studiuar pak më shumë”
Por si mund të implementohen të rinjtë në një ekonomi qarkulluese?
“Si mund të kujdesemi më tepër për ato hapësira që nuk janë në kapacitetin e plotë të funksionalitetit. Si mund të rivitalizojmë zonat rurale, si mund të incentivojmë ata të rinj që e marrin përsipër rriskun e ndërtimit të bizneseve, të atyre bizneseve që duan ta provojnë ekonominë qarkulluese, që duan ta cojnë përpara axhendën e gjelbër, dhe duan të minimizojnë mbetjet dhe të maksimizojnë fitimin dhe ndikimin pozitiv në shoqëri”, tha Dafina Peci Drejtore Ekzekutive e Konkresit Rinor Kombëtar.
Diamila Leka/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
