Përgjigja e pyetjes në titull mund të përcaktojë trajektoren e gjithë jetës suaj…
Fatkeqësisht, të gjithë jemi njohur me versionin e një pune tejet të lodhshme si nga ana fizike ashtu edhe mendore.
Për fat të mirë, puna nuk është e tmerrshme për të gjithë.
Për shumë njerëz, puna është një vend me ndikim pozitiv në jetën e tyre.
Shumë njerëz që punojnë, tregojnë për mendësinë, aftësitë dhe disiplinën që mësojnë në punë dhe thonë se këto i ndihmojnë ata të bëhen partnerë dhe prindër më të mirë.
Pra, cili është ndryshimi midis punës, që ju vjedh jetën dhe punës që e gjallëron atë?
Sipas autores Lisa Earle McLeod bëhet fjalë për dy gjëra:
1. Ndikimi Emocional
Ju mund të mos kontrolloni emailin ndërsa hani darkë, por mendimet dhe emocionet që përjetoni në punë përcillen në jetën tuaj personale.
Nëse dita juaj e punës është e mbushur me ankth dhe stres, do të jetë shumë e vështirë për t’i larguar ato ndjesi çdo ditë.
Drejtuesit mund të rrisin kapacitetin e njerëzve për të mbijetuar dhe për të lulëzuar në ndryshim.
Punonjësit, që ndihen të pafuqishëm kundër erërave të ndryshimit, shkojnë në shtëpi të rraskapitur.
Njerëzit me aftësitë për të kërkuar një ndjenjë të lirisë personale, shkojnë në shtëpi të lodhur, por të kënaqur.
Ky është një ndryshim i madh.
2. Të mësuarit
Një punë e lehtë nuk krijon një jetë të lumtur. Shpesh, e kundërta është e vërtetë.
Puna e mërzitshme të kthen në një person të mërzitshëm. Përvojat e punës janë një mënyrë e shkëlqyer për t’ju rritur. I gjithë mësimi ndodh kur ju e shtyni veten jashtë zonës suaj të rehatisë.
Përmirësimi i të menduarit strategjik, aftësitë e komunikimit dhe teknikat e menaxhimit të konfliktit mund të kenë ndikim edhe në jetën personale.
Çdo punë shpërblyese do të jetë sfiduese. Do të ketë ditë kur gjithçka që dëshironi të bëni është të ktheheni në shtëpi, të fshiheni në dhomën tuaj të gjumit dhe të shikoni Netflix.
Por nëse puna juaj vazhdimisht ju bën të jeni të pakënaqur dhe të rraskapitur, bëjini vetes dy pyetje:
A kam kapacitet për të formuar mjedisin tim emocional?
A po mësoj aftësi që mund t’i sjell në pjesën tjetër të jetës sime?
Nëse përgjigja për të dyja pyetjet është jo, ka shumë mundësi që puna juaj të ketë një ndikim negativ në gjithçka tjetër.
/ Linkedin Learning
Postimi ” A ju bën puna juaj njeri më të mirë apo më të keq? ” eshte marre nga Revista Monitor.
