Banka e Anglisë (Bank of England, BoE) do t’i mbajë të qëndrueshme normat e interesit, pas uljes fillestare në gusht, edhe pasi Rezerva Federale e SHBA zgjodhi të ulte normën e interesit një ditë më parë.
Komisioni i Politikës Monetare votoi me 8 kundër 1 pro uljes.
Një “qasje graduale” ndaj lehtësimit monetar mbeti e përshtatshme, me inflacionin e shërbimeve që mbetet “i lartë”, tha komiteti. Ekonomia e Mbretërisë së Bashkuar, e cila i është rikthyer rritjes, por ka qenë më e ngadaltë këtë vit, pritet të kthehet në një ritëm themelor prej rreth 0.3% në tremujor në gjysmën e dytë.
Paundi britanik u forcua, duke u tregtuar me 0.72% kundrejt dollarit amerikan, me 1.3306 dollarë. Ky është niveli më i lartë, që nga marsi 2022, sipas të dhënave të LSEG.
Tregjet globale të aksioneve ndërkohë u rritën të enjten, me indeksin pan-europian Stoxx 600 1.35% më lart.
Banka qendrore votoi për të reduktuar stokun e saj të obligacioneve – të njohura si gilts – me 100 miliardë £ (133 miliardë dollarë) gjatë dymbëdhjetë muajve të ardhshëm, përmes shitjeve aktive dhe maturimit të obligacioneve.
Kjo shumë ishte në përputhje me periudhën e mëparshme, kundrejt pritshmërisë së disave për një përshpejtim të programit.
BoE ka pësuar humbje, sepse obligacionet ato janë blerë në të kaluarën me çmime më të larta se sa janë shitur. Sidoqoftë, Guvernatori i BoE Andrew Bailey argumenton se duhet të kryejë shtrëngim sasior (quantitative tightening, QT) tani, për të pasur hapësirë për të ndërmarrë më shumë lehtësime sasiore ose operacione të tjera në të ardhmen.
Komiteti po vlerëson një shportë të përzier të dhënash, me inflacionin total që shkon vazhdimisht afër objektivit 2%, por rritjet e çmimeve në shërbime – që përbëjnë rreth 80% të ekonomisë së Mbretërisë së Bashkuar – ishin 5.6% në gusht. Rritja e pagave në MB u ngadalësua në nivelin më të ulët prej më shumë se dy vitesh, gjatë tre muajve deri në korrik, por mbeti relativisht e lartë në 5.1%.
Banka e Anglisë uli normën bazë në 5% nga 5.25% në gusht, në një votim të ngushtë 5 me 4 dhe pritej gjerësisht t’i mbante ato të pandryshuara, deri në mbledhjen e ardhshme në nëntor.
Qeveria e re laburiste e Britanisë së Madhe do të dorëzojë buxhetin e saj të parë në tetor. Shtrirja e shtrëngimit sasior në vitin e ardhshëm, do të krijojë probleme për politikën fiskale, dhe nuk e lehtëson punën e qeverisë. / CNBC
Postimi ” Banka e Anglisë mban të pandryshuara normat, paundi rritet në nivelin më të lartë në dy vjet ” eshte marre nga Revista Monitor.
