Fondacioni Bill & Melinda Gates ka publikuar së fundmi një raport alarmues për të ardhmen duke theksuar se “Një krizë e madhe bujqësore dhe humanitare po afron. Duhen më shumë fonde”. Ky ishte mesazhi i raportit duke rindezur edhe një herë një debat të gjërë për një nga temat më të diskutuara dhe me ndjeshmëri më të lartë në këto tridhjet vitet e fundit.
Një krizë e madhe bujqësore, veçanërisht për vendet e ekspozuara klimatike, do të godasë botën. Për këtë arsye, nevojiten strategji të përshtatjes, mbështetjes dhe financimit, të gjitha në rast emergjence, me fokus të veçantë në Afrikë. Kjo mbështetet nga raporti i fundit nga Fondacioni Bill & Melinda Gates.
Prej disa kohësh Fondacioni është përpjekur që nëpërmjet financimit, të hedhë dritë mbi disa nga çështje kryesore globale, duke nisur nga kriza klimatike deri tek rimëkëmbja pas Covid-19. Raporti vë në dukje se një rritje e temperaturave në liqenet në mbarë botën është vërejtur dhe këto ndryshime janë të lidhura me emetimet e gazeve serë.
Këto ekosisteme nga të cilat varen miliona njerëz janë në rrezik, duke prishur potencialisht jetën e përditshme të të gjithëve ne.
