Deklarata është bërë nga ministrja e Shtetit për Sipërmarrjen dhe Klimën e Biznesit, Delina Ibrahimaj gjatë mbledhjes së Këshillit Ekonomik Kombëtar, e cila u zhvillua nën drejtimin e Kryeministrit Edi Rama. Ibrahimaj theksoi se, në këtë “shtëpi” do të mirëpresim bizneset për adresimin e problematikave të tyre, por do të shërbejë edhe si vend për takime të përjavshme të sekretariateve teknike që do të ngrihen në vijim të Këshillit Ekonomik Kombëtar. Sipas saj, tashmë biznesi do të ketë një mbështetje më të madhe për forcën punëtore.
“Propozim që lidhet me trajnimin në vendin e punës të punonjësve në biznese, duam të propozojmë një instrument me qëllim përmbushjen e gjithë nevojave që biznesi ka nevojë për forcë punëtore”, u shpreh Ibrahimaj.
Nga ana tjetër, kryeministri Rama deklaroi se ka një rënie të ndjeshme të papunësisë.
“Gjithë kjo situatë pozitive e ekonomisë të reflektohet edhe në një rënie të mëtejshme të papunësisë, në 10.5%”, tha Rama.
2023 është cilësuar si një nga ato vitet që ka shënuar shifrën më të lartë të investimeve të huaja direkte.
“Interes i shtuar në sektorë të energjisë dhe turizmit nga investitorë të huaj”, u shpreh Rama.
Këshilli Ekonomik Kombëtar ka për qëllim institucionalizimin e dialogut mes qeverisë dhe sipërmarrjes në funksion të përmirësimit të klimës së biznesit në Shqipëri.
Diamila Leka /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
