Në ankandin e kësaj jave, bonot e thesarit kanë shënuar tjetër rritje, por duke shënuar ngadalësim të trendit në raport me të mëparshmit. Sipas të dhënave të sapopublikuara nga Banka e Shqipërisë, norma mesatare e ponderuar e bonove të thesarit me afat maturimi 12 mujor arriti në 5.83 %. Megjithëse përsëri me rritje nga ankandi i 2 nëntorit, kur norma mesatare kërceu në 5.74%, duket se kemi një frenim të trendit. Vetëm në këtë ankand, u shënuar një rritje me thujase 0.5 pikë përqindjeje nga ankandi i fundit i tetorit.
Që nga vera e këtij viti, norma e fitimit që forojnë letrat me vlerë për investirorët është dyfishuar. Kujtojmë që në verën e këtij viti bonot e thesarit me maurim 1 vjeccar shiteshin me normën mesatare të ponderuar 2.84%, ndërkohë që praktikisht yeldet janë rritur me më shumë se dyfish.
Kjo solli ndryshimin e sjelljes për të gjitha aktorët e tregut. Në ankandet e fundit kemi pasur prezencë të fortë të bankave veccanërisht në tregun e bonove të thesarit me afat maturimi 12 mujor, ndërkohë që është ulur prania e indivodëve.
Ndërsa bankat u qëndruan më së shumti larg letrave me vlerë për gjithë gjysmën e parë të vitit, ato tashmë kanë ndryshuar tërësisht sjellje duke shtuar me rreth 130 milionë dollarë investimet, ndërkohë që e kundërta ka ndodhur me individët, të cilët kanë ulur praninë në këtë treg. Sjellje ka ndryshuar edhe qeveria, e cila shtoi ndjeshëm huamarrjen gjatë tremujorit të tretë, në një kohë që gjatë dy tremujorëve të mëparshëm nuk arrinte të plotësonte dot shumat e kërkuara.
Jo më larg se një ditë më parë, Kryeministri Edi Rama i ka ftuar qytetarët ta shohin me interes këtë treg për të investuar kursimet e tyre, për shkak të normave mjaft të kënaqëshme të fitimit që ai ofron.
Lorenc Rabeta /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
