Bursa e Energjisë në vend ALPEX ka raportuar në Entin Rregullator të Energjisë (ERE) se çmimet përgjthësisht në shumicën e rasteve kanë ndjekur tendencën që kanë shfaqur të njëjtat çmime në bursën e Hungarisë që është referencë.
Në raportin përmbledhës të Entit Rregullator të Energjisë për ecurinë e sektorit të energjisë në 6 mujorin e parë të vitit nënvizohet edhe ky konstatim i ALPEX.
“ALPEX raporton se ka kryer analizën midis çmimeve mesatare të tij me ato të HUPX për të gjetur korrelacionin midis tyre. Nga të dhënat rezulton se, në 73.1 % të rasteve, çmimet ndjekin të njëjtin trend (rritës ose zbritës) ndërkohë çmimi mestar në HUPX, rezulton më i ulët në 65.4% të rasteve ndërsa në ALPEX në 34.6% të rasteve ose 5.01 Euro/mwh mesatarisht më i lartë në ditë” thuhet në raport.
I njëjti vlerëson gjithashtu edhe çmimet e bursës shqiptare të energjisë në raport me platformën e Shoqatës Europiane të Shkëmbimit të Energjisë.
“ALPEX raporton se ka kryer analizën midis çmimeve mesatare të tij me ato të HENEX për të gjetur korrelacionin midis tyre. Nga të dhënat rezulton se në 67.6 % të rasteve, çmimet ndjekin të njëjtin trend (rritës ose zbritës) ndërkohë çmimi mesatare në HENEX rezulton më i ulët në 45.6% të rasteve ndërsa në ALPEX në 54.4% të rasteve ose 0.34 Euro mesatarisht më i ulët në ditë” vlerëson Enti.
Duke u ndalur tek pagesat Enti ka përllogaritur se aktiviteti i klerimit dhe transaksionet e shlyerjes kryhen në mënyrë periodike sipas kalendarit përkatës nëpërmjet anëtarëve të përgjithshme të klerimit dhe bankës për shlyerje (RBAL), ku sipas ALPEX sha, vlera mesatare ditore e faturimit të energjisë elektrike për muajin qershor 2024 (blerjeshitje) është mesatarisht në vlerën € 388,276.
Raporti sjell në vëmendje se me fillimin e Bashkimit të Tregut është parë një rritje e anëtarëve të bursës, aktivë në procesin e tregtimit që luhatet midis 15-16 pjesëmarrës në të dy tregjet. Pozicioni i tregut të Shqipërisë javën e fundit në këtë bashkim tregu ka qenë pothuajse importues me total volume 5,801 MWh kundrejt 110 MWh si eksportues.
Postimi ” Bursa e energjisë, analiza e ALPEX: Çmimet mesatarisht 5 euro/mwh më të larta se në HUPX ” eshte marre nga Revista Monitor.
