Në fletoren zyrtare u botua Plani Kombëtar Spitalor për vitet 2023-2030. Fokusi i këtij plani do të jetë fuqizimi i sistemit shëndetësor, fuqizimi i reagimit dhe përgjigjesisë ndaj emergjencave si dhe shëndetësia digjitale.
Në planin kombëtar shpenzimet totale për shëndetësinë në 2023 përkundrejt produktit të brendshëm bruto janë rritur nga 2.6% në 3%. Për të konkretizuar se çfarë parashikon ky plan, brenda këtij viti në spitalin Memorial në Fier do të nis pilotimi i modelit të ri të autonomisë spitalore, e do të vijoj në spitale të tjera deri në fund të 2027.
Ky model do të ketë si qëllim përmirësimin e sistemit të administrimit të spitaleve publike si dhe fokus pritet të jetë eleminimi i abuzimeve dhe papërgjegjshmërisë së qytetarëve.
Kontratat koncensionare të bujshme në sektorin e shëndetësisë pretendohet të monitorohen në sajë të kostimit të shërbimeve spitalore si dhe pilotimit të modelit të ri, ku synim pritet të arrihet llogaridhënia dhe monitorimi i fondeve publike.
Investimet brenda 2025 do të nisin me krijimin e 4 poleve spitalore ku do të shërbejnë si Qendra Reference Diagnostikuese dhe Trajtuese. Finncimi publik për kujdesin shëndetësor synohet të arrijë 70% të shpenzimeve totale të shqiptarëve për shëndetësinë deri në 2025, nga 43% që ishte në vitin 2013.
Diamila Leka/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
