Ministër i Infrastrukturës dhe Energjisë Enea Karakaçi tha se një nga masat kryesore në fokus të ministrisë mbetet garantimi pa ndërprerje i tregut me naftë.
Ministri Karakaçi lajmëroi se projektligji i ri për rezervën e naftës që pritet të miratohet brenda 3 javësh në qeveri do të sjellë që fizikisht rezerva e naftës të mos mbahet më nga opertaorët privatë, por nga një agjenci shtetërore për 90 ditë.
“Për detyrimin e rezervës, që është e përllogaritur në bazë të xhiros ditore të vitit të kaluar ne kemi njoftuar të gjithë operatorët se kanë detyrimin të mbajnë rezervën 30 ditë, dhe pjesën tjetër të kontraktuar në mënyrë tjetër, me qëllim që të mos ketë mungesë të hidrokarburit.
Bllokimi i kanalit të Hormuzit nuk ka ndikura në furnizimet në vendin tonë.
Projektligji i ri për rezervën e naftës i hartuar në përputhje me direktivën e Bashkimit Europian do të miratohet në qeveri brenda 2-3 javësh.
Sipas projektligjit të ri, rezervat e naftës nuk do të mbahet më nga kompanitë, por nga një agjenci shtetërore që do të sigurojë garantimin fizik të hidrokarburit deri në 90 ditë”.
Ministri Karakaçi gjithashtu tha se në pikat e pakicës nga kontrollet e ushtruara rezulton se nuk ka abuzim me çmimin e naftës, dhe se marzhet e fitimit të kompanive që variojnë 13 deri 14 lekë për litër janë të pranueshme.
“Çmimi në pikën fundore në Shqipëri pjesën më të madhe e zë vlera e importit. Dhe kjo e bën të luhatshme çmimin në Shqipëri dhe 147 lekë pa TVSH ka qenë kosto reale për produktin. Kjo tregon që ka fitim 13 deri 14 lekë bruto, që është një marzh i pranueshëm. Nuk kemi parë abuzim në çmimi dhe për këtë nuk kemi parë të arsyeshëm ngritjen e bordit”.
Më tej kryeministri Edi Rama shtoi se Shqipëria nuk prodhon naftë në përdorim për pikat fundore, pasi nafta që ne nxjerrim është naftë e rëndë. Nëse do të futej në përpunim do të kërkonte një rafineri dhe kosto të larta me qëllim hedhjen për konsum.
“Siç ka treguar edhe historia në të shkuarën nuk ka rritur të jetë një naftë për përdorim konsumi, por përveç përdorimit për industrinë”.
Postimi ” Draft i ri, Karakaçi: Kompanitë s’do mbajnë më rezerva, për 90 ditë nafta do garantohet nga shteti ” eshte marre nga Revista Monitor.
