Reshjet intensive të datës 20 nëntor, erdhën me dëme, por jo edhe pa një efekt pozitiv për situatën energjetike të vendit. Niveli i liqeneve të hidrocentraleve në kaskadën e Drinit u rrit ndjeshëm, teksa një pjesë e prurjeve u kthyen në tepricë.
Korporata Elektroenergjetike ka zhvilluar 4 tendera për shitjen e mbiprodhimit, duke arritur përkatësisht vlerat prej 3,3 milionë euro, 662 mijë euro, 2,6 milionë euro dhe sërish 2.6 milionë euro. Në total për shitjen e 47 mijë e 560 MWh, përfitimi llogaritet në 9,3 milionë euro.
Me përjashtim të ankandit të zhvilluar në datën 21 nëntor, kur çmimi i shitjes nga KESH ishte mesatarisht vetëm 82 euro për njësi, në procedurat e radhës çmimi është rritur deri në 267,5 euro për megavatorë, në nivele të ngjashme me bursën e Hungarisë në momentin e shitjes.
KESH ka tentuar gjatë kësaj periudhe të lidhë edhe marrëveshje për depozitim dhe shkëmbim energjie, për të dhënë energji në këtë periudhë mbiprodhimi dhe për ta marrë atë mbrapsht në verë. Por në të tre procedurat e iniciuara nuk pati asnjë palë të interesuar.
Rezerva aktuale energjetike, kombinuar me pritshmëritë e mira për reshje në javët e mbetura të vitit, pritet që shumë shpejt qeveria të njoftojë moszbatimin e fashës së energjisë edhe për muajin dhjetor.
Menaxhimi i reshjeve dhe energjisë, KESH bleu për të mos rrezikuar, tani shet për rikuperim
Burimi: A2 CNN
