Eksportuesit, sektori i cili rezulton ndër më të prekurit nga zhvlerësimi i monedhës europiane, nuk do të marrin ndihmë nga qeveria për të përballuar situatën. Kështu u shpreh ministrja e Financave dhe Ekonomisë, Delina Ibrahimaj pas mbledhjes së Këshillit të ministrave.
Delina Ibrahimaj, Ministre e Financave dhe Ekonomisë
“Shqipëria ka vendosur të aplikoj një kurs këmbimi të lirë, në kriza të njëpasnjëshme ka qenë një element kyc për mirëfunksionimin e tregut shqiptar. Me luhatjet e kursit ka disa kompani që humbin kjo është pjesë e të bëri biznes. Kompanitë eksportuese që kanë pasur humbje, punojnë me kontrata porositëse. Ky fenomen nuk afekton vetëm eksportuesit por dhe kompanitë investuese që kanë kredi në euro. Me eksportuesit javën e ardhshme do të zhvillojmë një mbledhje.”
Nëse paraja informale dhe fushata zgjedhore po ndikojnë në zhvlerësimin e valutës, ministrja Ibrahimaj e kundërshtoi.
“Paraja informale ekziston. Paga e Shqipërisë ka një indicator për paranë jashtë bankave i cili nuk është i lidhur me fushatat elekltorale. Ky zhvlerësim është i lidhur me hyrjet e të ardhurave. Pra flukset hyrëse të monedhësë kanë qenë të ndikuara nga rritja e turizmit, rritja e investimeve të huaja direkte por dhe nga rritja e remitancave”
Monedha europiane ka rënë edhe më tej kundrejt monedhës vendase duke arritur vlerën e 110.98 lekëve. Të gjitha shoqatat e eksporteve të vendit tonë për këtë vijim të zhvlerësimit të euros do të që unifikojnë kërkesat e tyre të cilat më pas do tja paraqesin edhe qeverisë.
Marinela Lina/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
