Industria e bimëve aromatiko-mjekësore nuk është në ditët e saj më të mira për shkak te zhvlerësimit disa mujor të euros dhe parashikimet janë të zymta nëse ky trend do të vijojë.
Kryetari i Shoqatës së Bimëve, Esencave dhe Kultivuesve Shqiptarë të Agrobiznesit (EPCA), Xhevit Hysenaj, shprehet se nëse kjo industri nuk do të jetë pjesë e skemës së mbështetjes direkte për fermerët përgjatë këtij viti, rrezikon të tkurret ndjeshëm.
Sipas tij, përfaqësuesit e industrisë janë përballë dy zgjidhjeve, ku asnjëra prej tyre nuk është e përshtatshme.
Sipas Hysenaj, kursi i këmbimit ka sjellë humbje deri 25 % për industrinë përgjatë vitit 2023 dhe eksportet kanë rënë në nivelin 40 %. Nga kjo industri përfitojnë të ardhura mbi 4 mijë familje në vend dhe 90 % e bimëve mjekësore që tregtohen jashtë janë të kultivuara.
Elisabeta Dosku/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
