Sipas një raporti vjetor të Këshillit Botëror të Udhëtimit dhe Turizmit (WTTC), 1 dollarë nga çdo 10 dollarë të shpenzuar globalisht në vitin 2024, do të jetë në udhëtime, ndërsa njerëzit rezervojnë me shpejtësi hotelet, lundrimet dhe fluturimet.
Kontributi i industrisë së udhëtimit dhe turizmit në prodhimin e brendshëm bruto global, pritet të arrijë shifra edhe më të larta, pasi konsumatorët e shohin gjithnjë e më shumë udhëtimin, si një pjesë thelbësore të buxheteve të tyre.
WTTC vlerëson se kontributi i industrisë në PBB-në globale në vitin 2024, do të rritet me 12.1%, në 11.1 trilion dollarë, duke përbërë 10% të PBB-së globale. Kjo përfaqëson një rritje prej rreth 7.5% nga shifra rekord e mëparshëm i vendosur në vitin 2019.
“Pavarësisht disa shqetësimeve vitin e kaluar duke shkuar në një recesion global dhe inflacion të lartë, këtë vit po shohim që udhëtimet dhe turizmi të jenë një fuqi e vërtetë ekonomike globalisht,” tha Julia Simpson, CEO e organizatës jofitimprurëse.
Shpenzimet e udhëtimit në ekonomitë e SHBA-së, Kinës dhe Gjermanisë pritet të kontribuojnë më së shumti në PBB.
Sektori pritet të mbështesë afro 348 milionë vende pune në vitin 2024, ose 13.6 milionë vende pune më shumë se në vitin 2019, rekordi i mëparshëm para pandemisë. Industria ende po punëson për të plotësuar vende pune në sektorin e turizmit që po zgjerohet me shpejtësi.
Në Shtetet e Bashkuara, aktualisht ka 1 milion vende pune në industrinë e mikpritjes, sipas Shoqatës së Udhëtimit të SHBA. Punësimi total në SHBA ishte rreth 27 milionë vende pune në vitin 2023, sipas WTTC. / Reuters
Postimi ” Industria e udhëtimeve do të kontribuojë me 11 trilion dollarë në PBB-në globale në 2024 ” eshte marre nga Revista Monitor.
