Ndonëse treguesit e fundit kanë rezultuar pozitiv përsa i përket rritjes së investimeve të huaja direkte, por ekspertët theksojnë se ende nuk kanë ndikuar drejtpërdrejtë në ekonominë shqiptare.
Genti Beqiri, Ekspert Ekonomie shprehet se: “Ato kanë qenë kryesit në hidrokarbure, apo aktivitete të tjera të cilët nuk japin një imput të drejtpërdrejtë në ekonomi në këtë stad. Një rast ka qenë për kërkimin për naftë apo gaz në vend, deri në këtë moment mbajnë peshën kryesore, pra kontributin më të madh të investimeve të huaja direkte, por deri në momentin që të zbulohet naftë ato realisht nuk është se japin impakt. Nuk shpërndahen në paga apo kontrata shërbimi”.
Portofoli i investimeve duhet zgjeruar dhe në sektorë të tjere të cilët të kenë ndikim sa më të shpejt në ekonomi gjithashtu të eleminohen risqet ekonomike.
“Do stilumoja agroturizmin, agrobniznesin, bujqësinë, turizmin patjetër, infrastrukturën, sepse janë komplementare njëra me tjetrën. Ne nuk mund të zhvillojmë turizmin në mbështetje të afatgjatë nëse nuk zhvillojmë bujqësinë sepse patjetër ato kanë lidhje njëra me tjetrën, nëse nuk zhvillojmë në mënyrë adekuate në nivelin e caktuar, cilësinë e caktuar, sektorët e infrastrukturës duke përfshirë jo vetëm rrugët por edhe aeroportet hekurudhuat, ne nuk kemi punuar mjaftushëm mirë me sektorët e bujqësisë dhe sektorët e veprimtarive prodhuese”, thotë ai.
Qeveria, instancat përkatësë si dhe aktorë ekonomik duhet të programojnë projekte të caktuara në mënyrë që investimet e huaja direkte të përthithen në ekonomi në mënyrë të drejtpërdrejtë dhe në kohë të shkurtra.
Diamila Leka/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
