Krahu i lirë i punës është avantazhi kryesor që Shqipëria ka në raport më fqinjët në garën për thithjen e investimeve të huaja. Por rritja gati e sforcuar e pagave, me një klimë ende të ashpër për të bërë biznes mund të frenojë ardhjen e investimeve të reja për të cilat vendi po ka nevojë sot më shumë se kurrë.
“Në panët e bizneseve, rritja e paparashikuar e pagave përkthehet në më shumë shpenzime dhe ulje të fitimeve. Ndaj shtrenjtimi i krahut të punës mund ta bëjë Shqipërinë më pak tërheqëse për ta.”
Gjin Gjoka, Dhoma e Diasporës
Ndaj kushtet e reja për Gjin Gjokën nga Dhoma e Diasporës, lipsin nevojën për ndërhyrjen e qeverisë që të ofrojë lehtësi të tjera për të huaj, me qëllim joshjen e tyre.
“Me humbjen e avantazhit të krahut të lirë të punës, qeveria duhet të ofrojë lehtësi fiskale dhe tatimore. Ulja e taksave apo politika të tjera që mund të ndërmerren mund të joshin të huajt duke e mbajtur Shqipërinë ende në fokus të tyre.”
Gjin Gjoka, Dhoma e Diasporës
Në Indeksin Global të Mundësive 2023 Shqipëria rezultoi si vendi më pak joshës në Ballkanin Perëndimor pas Bosnje-Hercegovinës për investitorët e huaj. Maqedonia e Veriut ka pozicionimin më të mirë në rajon duke u renditur në vendin e 52-të, ndjekur nga Mali i Zi dhe Serbi.
Garë e humbur, Shqipëria, vendi më pak joshës në Rajon për investimet e huaja
“E mirëpritur, por nuk mjafton”, rritja e pagave mund të zbusë, por jo të ndalojë emigracionin e të rinjve
Burimi: A2 CNN
