Për sezonin turistik 2023 do të krijohet një hartëzim i territorit përsa i përket ndotjes akustike. Ministrja e Turizmit dhe Mjedisit, Mirela Kumbaro njoftoi gjatë mbledhjes së qeverisë këtë të enjte miratimin e amendimeve për ligjin për vlerësimin e zhurmave në mjedis.
“Një detyrë të re për bashkitë që me hyrjen në fuqi të këtij ligji, kanë për detyrë për të përcaktuar hartën e zhurmave për të përcaktuar qartë zonat e banuara që do të jenë të qeta, ku janë larg banesave apo hoteleve familjare ku zhvillohen aktivitete zbavitëse ashtu sikurse do të ketë një ndarje më të qartë të kompetencave midis policisë bashkiake që do të vazhdojë të kontrollojë dhe do të pajiset me mjete certifikuese të akredituata edhe për lloje të tjera të zhurmave që mund të krijohen nga biznese të ndryshme dhe aktivitete të ndryshme në territoret e ndryshme të bashkive.”
Orari i aktiviteteve për bizneset gjatë sezonit turistik do të jetë 12:00-24:00. “Kontrolli do të bëhet me mjete të certifikuara. Fashat orare për sezonin e verës dhe aktivitetet muzikore të përrditshme do të jenë 12 e drekës deri në 12 të natës dhe policia do të marrë komopetencat për të kontrolluar aktivitetet ekonomike që nuk respektojnë këto norma.”
Në javët në vijim pritet të miratohet në Kuvend ligji për zhurmat.
Marinela Lina/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
