Komisioni Parlamentar i Ligjeve ka miratuar projektligjin që detyron studentët e mjekësisë të nënshkruajnë një marrëveshje që ata pranojnë të punojnë në Shqipëri për pesë vite pas përfudimit të studimeve. Drafti u paraqit në Komision nga Ministrja e Arsimit Evis Kushi.
Ajo tha se studentëve do u krijohen shumë lehtësi, siç janë punësimi i menjëhershëm, por edhe strehimi përmes skemave me kredi të buta. Nga ana tjetër, drafti parashikon që nëse shteti nuk u siguron punë brenda një viti, ata çlirohen nga detyrimi për të punuar pesë vite në Shqipëri
Deputetët e opozitës kanë akuzuar Ministrinë dhe Kuvendin se nuk ka marrë asnjë opinion nga studentët për draftin, duke kërkuar pjesëmarrjen e tyre në seancë.
Projektligji për studentët e mjekësisë po kalon me procedurë të përshpejtuar dhe do të votohet nga Kuvendi në seancën e së enjtes. Ndërkohë nuk është ende gati formula e llogaritjes së kostove që do të paguajnë ata studentë që nuk pranojnë detyrimin për të punuar 5 vite në Shqipëri.
Lorenc Rabeta/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
