Edhe familjet që kanë prona do të kenë mundësinë që të aplikojnë për të përfituar nga kredia e butë. Ndryshimet në vendimin “Për masën e subvencionit të interesave të kredisë dhe procedurën e dhënies së tij për familjet, që përfitojnë banesë me kosto të ulët, me kredi të lehtësuara nga shteti”, bëjën të ditur se cilat familjet mund të përfitojnë.
Kufiri maksimal i kreditimit për familjet që disponojnë banesë në pronësi nën normat e strehimit dhe paraqesin kërkesë për strehim, do të jetë jo më shumë se 60% duke marrë parasysh që diferenca mbulohet nga vlera e banesës që disponohet. Kjo mundësi u është dhënë familjeve që kanë një banesë në pronësi pasi ato kanë një një kapital që mund ta përdorin si kolateral. Këto kategori përfitjnë kredi të butë me interes deri në 3 % .
Familjet të cilat do të kategorizohen si përfituese janë ato familje të reja ku kryefamiljari duhet të ketë një moshë jo më të amdhe se 38 vjeç, strehimi I të cilave konsiderohet një prioritet.
Në varësi të pjesëtarëve të familjes do të jetë dhe përcaktimi I madhësisë së shtëpisë garsionere, 2+1 apo edhe 3+1 në varësi edhe të të ardhurave të familjes.
Aplikimi për përfitimin e një kredie të butë do të kryhen nëpërmjet portalit të e Albania ku ndodhen dhe të ëprcaktuara dokumentet përkatëse që nevojiten. Të gjitha familjet që kanë nevojë për strehim, por nuk kanë mundësi financiare, mund të aplikojnë për subvencionin e interesave të kredisë në e-Albania, dhe në sistemin e banesave sociale ngarkohet dokumentacioni përkatës.
Të ardhurat që do të shtohen në buxhetin e shtetit me zbatimin e lgijit për strehimin social për familjet që kanë përfituar nga programi i kreditimit të lehtësuar, rezulton që, mesatarisht tatim fitimi mbi vlerën e shitblerjes së një apartamenti është afro 525.000 lekë. Për rreth 2000 familje në vit, buxheti i shtetit do të arketojë mesatarisht 1.05 miliard lekë.
Marinela Lina /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
