Format për të gjeneruar para janë nga më të ndryshmet, por ajo çfarë u trajtua në emisionin Ekonomia 3D është çështja se si mund të investojmë me 10 milionë lekë ndërsa ekspertët dhanë tre forma të ndryshme investimi.
Eksperti i ekonomisë Artan Gjergji theksoi se bonot e thesarit janë një mënyrë e mirë për të investuar sidomos për atë kategori njerëzish që nuk e duan rriskun.
“Bonot e thesarit janë shumë instrument i thjeshtë për t’u kuptuar, janë një instrument i preferuar nga qytetarët në masë, për arsyen e vetme sepse janë me një rrisk pothuajse 0. I vetmi rrisk në të cilën angazhohet një qytetar kur ekspozohet në letra me vlerë të qeverisë është vetëm ajo që quhet, rrisku nga zhvlerësimi i monedhës kombëtare. Në gjykimin tim, investimi në bono thesari për ata që nuk e duan rriskun është një alternativë shumë e mirë.”
Por nuk është e lehtë për të gjithë kategorinë e personave që duan të investojnë në kriptomonedha. Ndërkohë sipas ekspertit të monedhave digjitale Granit Kadollit, ky sektor kërkon më tepër informacion dhe është më i vështirë investimi në to.
“Kriptovalutat janë mundësi e investimeve globale, pa marrë parasysh çfarë vendi je dhe se ku jeton, ato mundësohen vetëm nëse ke internet. Kjo është një platformë e re dhe është më e vështirë. Duhet të njohësh mirë fushën e internetit”.
Pronat e patundshme, aktualisht po shihen si një mundësi më e sigurt investimi dhe se arrin një fitim të shpejt e të konsoliduar.
Reinaldo Pipiria Drejtor Narea: “Në statistikat që ne bëjmë, kthimi i pasurive të paluajtshme ka një normë në 6-8 % kjo për shkak të mundësive për t’u dhënë me qira, qoftë qira afatgjatë, qoftë qira ditore, por edhe për shkak të trendit pozitiv rritës të çmimeve, sidomos që nga 2015 edhe në vijim”.
Diamila Leka/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
