Investimet në fushën e mjedisit dhe turizmit do të pësojnë rritje me 105% gjatë vitit 2024, në raport me këtë vit teksa peshën kryesore e zë krijimi i një agjencie të re për menaxhimin e mbetjeve.
Gjatë prezantimit të projektbuxheti në Komisionin parlamentar të Veprimtarive Prodhuese, ministrja Mirela Kumbaro tha se investimet për vitin që vjen parashikohen në mbi 8 mln euro, teksa një nga funskionet kryesore të agjencisë do të jetë menaxhimi i fondeve që jepen nga qeveria gjermane dhe Bashkimi Evropian
Të tjera investime përfshijnë ndërhyrjet në Parkun e Ulzës, ndërtimin e qendrës së vizitorëve në Parkun Kombëtar të lumit Vjosë apo shenjimin e 100 shtigjeve brenda zonave të mbrojtura. Ndërkaq, buxheti i vitit që vjen në fushën e turizmit fokusohet në pastrimin e plazheve, ku për këtë vit janë shtuar bashkitë e Lezhës dhe Shkodrës, si dhe në promozimin e Shqipërisë turistike.
Sipas Kumbaros, vitin që vjen buxheti për promovimin e Shqipërisë parashikohet në rritje me 300 mln lekë, e ndër të tjera përfshihet pjesëmarrja në panaire të ndryshme jashtë vendit.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
