Çmimet e naftës u rritën sërish pasi u ulën me më shumë se 2 dollarë për fuçi, kjo pasi optimizimi ndaj ekonomisë kineze tejkaloi shqetësimet për një recesion global.
Kina, importuesi kryesor në botë i naftës së papërpunuar, po përjeton të parën nga tre valët e pritshme të infektimeve me Covid 19, pasi Pekini lehtësoi kufizimet për lëvizjet, por planifikon të rrisë mbështetjen për ekonominë gjatë vitit 2023.
Pavarësisht rritjes së rasteve të Covid, optimizmi për rihapjen e ekonomisë kineze dhe politika e saj akomoduese përmirësojnë perspektivën e kërkesës për naftë, sipas ekspertëve.
Nafta e papërpunuar Brent fitoi 82 cent, ose 1%, duke arritur në 79.86 dollarë për fuci, ndërsa nafta e papërpunuar e Teksasit perëndimor të Shteteve të Bashkuara të Amerikës u rrit me 60 cent, ose 0.8% në 74.89 dollarë për fuci.
Duke i dhënë fund politikës së saj zero – Covid, Kina po risjell në jetë sektorin e aviacionit, me kërkesën mesatare për karburant avioni që rritet me 75% në dy javë. Shifrat janë konfirmuar nga kompania e të dhënave satelitore Kayrros.
Çmimi i naftës arriti në nivelin rekord prej 147 dollarësh për fuçi në fillim të këtij viti pasi Rusia pushtoi Ukrainën; por që atëherë ka zbutur pjesën më të madhe të fitimeve të këtij viti pasi shqetësimet
Nafta u rrit drejt nivelit të lartë rekord prej 147 dollarësh për fuçi në fillim të vitit pasi Rusia pushtoi Ukrainën, por që atëherë ka zbutur pjesën më të madhe të fitimeve të këtij viti pasi shqetësimet për furnizimin u zbutën nga frika e recesionit, të cilat zvarrisin ende cmimet.
Rezerva Federale e SHBA dhe Banka Qendrore Evropiane ngritën normat e interesit javën e kaluar dhe premtuan se do t’i rrisin dhe më shumë.
Analistët mendojnë se perspektiva e rritjes së mëtejshme të normave do të godasë rritjen ekonomike dhe duke e bërë këtë do të frenojë kërkesën për naftë.
Sektori i naftës u mbështet gjithashtu nga Departamenti i Energjisë i SHBA-së, duke thënë se do të fillojë riblerjen e naftës së papërpunuar për Rezervën Strategjike të Naftës.
Dorina Kurtaj /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
