Qeveria e Kosovës ka vendosur masa të reja për të kufizuar rritjen e çmimeve të derivateve të naftës, pas dyshimeve se operatorët po e shfrytëzojnë situatën në treg për të rritur fitimet. Përmes një vendimi të ri, është përcaktuar marzh maksimale e fitimit për çdo litër.
Brenda vetëm një dite, çmimi i derivateve në Kosovë u rrit për më shumë se 20 cent.
Kjo lëvizje e çmimeve në mënyra të shpejt ndodhi pas tensioneve në Lindjen e Mesme dhe tronditjen e zinxhirit global të furnizimit me energji.
Por, ky shtrenjtim kaq i lartë brenda një kohe të shkurt, po cilësohet si abuziv dhe shfrytëzim i situatës për të fituar së më shumë.
Të dhënat e Doganës së Kosovës tregojnë se çmimi i importit ka shënuar rritje minimale.
çmimi i importit të kësaj lënde, sipas Doganës së Kosovës, ka pësuar rritje prej vetëm 1.5 cent për litër.
Në Doganë kanë treguar gjatë ditës së djeshme se se një litër naftë të hënën është importuar me çmim 54 centë, ndërsa të martën me 55.6 centë.
E çmimet në kompanitë e derivateve të hënën silleshin mes 1.18 euro deri në 1.25 euro, kurse të mërkurën një litër naftë u tregtua me çmim nga 1.35 euro deri në 1.40 euro.
Çmimi i benzinës të hënën sillej mes 1.17 euro e 1.24 euro, ndërsa të mërkurën shkoi deri në 1.35 euro.
Shkaku i rritjes së çmimit në pika karburanti në shpërputhje të madhe me rritjen e regjistruar nga Dogana, ministrja e Tregtisë, Mimoza Kusari-Lila, ka nënshkruar të mërkurën vendimin për caktimin e çmimeve tavan.
Në vendim është caktuar që marzha e fitimit për shitje me shumicë të jetë deri në 2 centë për litër, ndërsa për shitje me pakicë deri në 12 centë për litër.
“Vendimi vjen pas mbikëqyrjes së vazhdueshme të tregut të naftës, analizimit të evidencave ditore nga Dogana e Kosovës dhe raporteve të Inspektoratit Qendror të Mbikëqyrjes së Tregut, ku është konstatuar se rritjet e çmimeve nga importi janë reflektuar menjëherë në çmimet e shitjes. Inspektorët do të jenë në terren për të mbikëqyrur zbatimin e këtij vendimi”.
Vendimi do të hyjë në fuqi një ditë pas publikimit në Gazetën Zyrtare.
Marzha tregtare maksimale e lejuar:
Shitja me shumicë: deri në 2 eurocentë për litër
Shitja me pakicë: deri në 12 eurocentë për litër
“Llogaritja e marzhës tregtare maksimale të lejuar për shitje me shumicë dhe pakicë bëhet sipas nenit 4, paragrafi 1.1 dhe 1.2, të Udhëzimit Administrativ Nr. 03/2022 për Rregullimin e Çmimeve të Produkteve të Naftës dhe Karburanteve të Ripërtëritshme dhe Masat e Tjera Mbrojtëse. Duke u bazuar në analizën e situatës në treg dhe në kompetencat ligjore të Ministrisë, u vendos si në dispozitiv të këtij vendimi”.
Rritet çmimi i karburanteve në Kosovë | Revista Monitor
Gjatë ditës së martë edhe kryetari i shoqatës së Naftëtarëve, Fadil Berjani, ka thënë se situata gjeopolitike në Lindjen e Mesme po ndikon drejtpërdrejt tregjet e naftës.
“Rritja e tensioneve dhe rreziku për ndërprerje në prodhim apo transport po shtojnë pasigurinë në furnizimin global, duke shtyrë çmimet e naftës më lart. Vëmendja është veçanërisht te Ngushtica e Hormuzit, një nga rrugët më të rëndësishme të kalimit të naftës në botë. Çdo problem në atë korridor reflektohet menjëherë në tregje dhe zakonisht përkthehet në kosto më të larta të karburantit për konsumatorët”.
Çmimet globale të naftës janë rritur ndjeshëm pas sulmeve të Iranit ndaj vendeve të tjera në Lindjen e Mesme, si përgjigje ndaj bombardimeve të kryera nga SHBA-ja dhe Izraeli.
Postimi ” Naftëtarët shfrytëzojnë krizën për të rritur çmimet, Qeveria vendos marzh fitimi për çdo litër ” eshte marre nga Revista Monitor.
