Nga Shqipëria në Costa Rica – Rrugëtimi i suksesshëm i një inovatoreje në teknologji
Desilda Toska, shpikëse, inovatore dhe një prej personave që punojnë aktivisht në mënyrë që teknologjia të bëhet gjithmonë e më e lehtë dhe e dobishme. Një rrugëtim i nisur në Tiranë, e që vazhdon në Costa Rica, aty ku jeton dhe jep këtë intervistë për ne.
Në qytetin e vrullshëm të Milanos, Desilda nisi fillimisht punë në një kompani të vogël, por shumë shpejt rekrutohet në radhët e IBM, një prej kompanive më të mëdha teknologjike në botë. Teksa njëkohësisht punonte për temën e diplomës, ajo u njoh me procesin e aplikimit për patenta, për të njohur shpikjet e saj.
Të gjendur larg familjeve në periudhën e pandemisë, Desilda dhe bashkëshorti i saj, i cili është po ashtu një shpikës, krijuan një zgjidhje origjinale për të festuar pritjen e ëmbël, duke organizuar baby showerin e parë në realitetin virtual të metaverse-it.
Desilda e quan eventin real dhe virtual në të njëjtën kohë, aq sa edhe prindërit e saj e përqafuan shumë të lumtur, ndonëse mijëra kilometra larg.
Pasioni dhe profesioni që Desilda ka zgjedhur e lejon atë të punojë nga çdo cep i botës, një avantazh i madh sipas saj.
Teksa Desilda është fokusuar tanimë krahas shpikjeve edhe në fushën e metaversit dhe sigurisë kibernetike, ajo shpreh bindjen se bota do të shkojë në mënyrë të pashmangshme drejt teknologjisë Dhe njerëzit nuk duhet të kenë frikë, por ta përqafojnë këtë ndryshim që po sjell vazhdimisht më shumë lehtësi në jetët e tyre.
Burimi: A2 CNN
