Marrëveshja për sigurimet me Italinë do të shqyrtohet dhe miratohet nga Qeveria Italiane në një kohë shumë të shkurtër. Lajmi është dhënë nga përfaqësuesi i Diaspora 91-19 Dritan Teimçev.
Për tv, ai ka thënë se faza tjetër do të jetë shqyrtimi në komisionet përkatëse të Senatit dhe Dhomës së Deputetëve dhe më pas miratimi në dhomat përkatëse.
“Nga një burim jashtëzakonisht i besueshëm, kemi mësuar se marrëveshja do të shqyrtohet dhe miratohet nga Qeveria Italiane në një kohë shumë të shkurtër.
Faza tjetër do të jetë shqyrtimi në komisionet e Senatit dhe Dhomës së Deputetëve dhe më pas miratimi në dhomat përkatëse.
Ne kemi të gjitha mjetet për të ndjekur këto faza të rëndësishme hap pas hapi, duke përfituar nga transparenca e shtetit italian. Diaspora 91-19 ANIAP, nuk u ndal për asnjë çast dhe sa më sipër është rezultat i këtj ngulmimi’’ – thotë Trimçev.
Trimçev sjell një shembull, duke përllogaritur se një bashkëatdhetar që ka punuar në Itali pas 1 janarit të vitit 1996 dhe ka mbushur moshën 67-vjeç, mund të marrin pension edhe pse është kthyer përfundimisht në Shqipëri.
“Pensioni italian ju takon edhe me më pak se 5 vjet kontribute. Një qytetar që ka më pak se 3 vjet pune gëzon pensionin rreth 58€/muaj x 13 muaj = 754 €/vit”, shton përfaqësuesi i “Diapsora 91-19”.
Shqipëria dhe Italia përfunduan negocimin teknik të marrëveshjes për pensionet më 26 korrik të 2022.
Alida Lula /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
