Në kushtet krizës së rritjes së çmimeve e cila ka ndikuar jo vetëm tek shërbimet por edhe tek kostot e prodhimit, afro 60% e drejtuesve të biznesit në Shqipëri po planifikojnë të investojnë më shumë në automatizimin e proceseve dhe sistemeve. Të dhënat tregojnë përgjigjet e CEO-ve shqiptarë ndaj pyetjeve të Anketës së 26-të Vjetore të CEO-ve të PwC.
Nga ana tjetër, sulmet kibernetike kundrejt shërbimeve të ofruara nga qeveria por edhe ndaj institucioneve bankare, kanë ndryshuar orientimin investues të sipërmarrjeve të mëdha. Sipas anketës, rreth 40% e CEO-ve në vendin tonë po shqyrtojnë rritjen e investimeve kibernetike në përgjigje edhe të konfliktit gjeopolitik. Rreziku kibernetik është edhe një ndër shqetësimet kryesore që kanë drejtuesit e kompanive përgjatë 12 muajve të ardhshme.
Nga ana tjetër CEO-t duan të shpenzojnë më pak kohë në operacione, më shumë kohë për të rishpikur biznesin e tyre pasi afro gjysma e tyre nuk mendojnë se kompanitë e tyre do të jenë ekonomikisht të qëndrueshme pas një dekade nëse vazhdojnë në rrugën e tyre aktuale Lajmi i mirë është që drejtuesit e kompanive shohin nevojën për ndryshim – dhe po mendojnë gjithashtu për hapat që u duhen për të arritur atje. Në nivel global, 4410 CEO iu përgjigjën Anketës së 26-të Vjetore të CEO-ve të PwC të cilët janë shprehur pesimistë për ecurinë ekonomike në vendet e tyre.
Elisabeta Dosku/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
