Qeveria planifikon ndërhyrje rrënjësore në sektorin e bujqësisë, i cili kontribuon rreth 20% në Prodhimin e Brendshëm Bruto (PBB) dhe gjithashtu punëson afërsisht 35% të fuqisë punëtore të vendit. Referuar dokumentit të programit të reformave ekonomike 2024-2026, bujqësia luan një rol kritik edhe në tranzicionin e gjelbër, duke llogaritur 731 hektarë sipërfaqe të kultivuara organike dhe 2091 ton prodhim total për vitin 2022. Qeveria e konsideron tranzicionin e gjelbër në bujqësi si proces thelbësor për një të ardhme të qëndrueshme, por edhe si një proces kompleks i përballur me sfida të shumanshme. Në dokument nënvizohet se adresimi i këtyre pengesave kërkon një përpjekje të koordinuar nga politikëbërësit, aktorët e industrisë, studiuesit dhe komuniteti bujqësor.
Pengesat kryesore në bujqësi në lidhje me tranzicionin e gjelbër janë: Kufizimet e infrastrukturës dhe Qasja në Energji: Në shumë zona rurale, ka mungesë të aksesit në burime të besueshme të energjisë, duke e bërë sfiduese adoptimin e zgjidhjeve të energjisë së rinovueshme.; Magazinimi dhe shpërndarja: Sistemet joefikase të ruajtjes dhe shpërndarjes mund të çojnë në humbje të konsiderueshme pas vjeljes, duke minuar përpjekjet për ta bërë bujqësinë më të qëndrueshme.
Por ashtu sektori po përballet edhe me sfidat sociale dhe demografike, siç është popullsia e fermerëve në plakje. Në shumë rajone, popullsia bujqësore po plaket dhe brezat e rinj po lëvizin në zonat urbane. Një popullsi në plakje mund të jetë më pak e prirur për të adoptuar teknologji ose praktika të reja. Çështjet e pronësisë së tokës po ashtu janë sfidë. Në disa zona, pronësia e paqartë ose e drejta e tokës mund të jetë një pengesë për investimet afatgjata në bujqësi të qëndrueshme.
Globalizimi dhe Dinamika e Tregut Global konsiderohen gjithashtu sfida. Natyra globale e tregtisë bujqësore ndonjëherë mund t’i japë përparësi praktikave bujqësore në shkallë të gjerë dhe intensive mbi ato të qëndrueshme në shkallë më të vogël. Interesat konkurruese: Mund të ketë shkëmbime ndërmjet prodhimit të të korrave në para për tregjet globale dhe bujqësisë së qëndrueshme që i jep përparësi sigurisë ushqimore lokale dhe shëndetit mjedisor.
Elisabeta Dosku /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
