Presidenti i Republikës së Shqipërisë liroi dhe dekretoi ambasadorët e rinj. Ndërkohë ish-deputeti Ervin Bushati është emëruar Ambasador i Shteteve të Bashkuara të Amerikës.
Të hënën Presidenti i Shqipërisë Bajram Begaj dekretoi lirimet dhe emërimet e Ambasadorëve shqiptarë.
Presidenti Begaj ka liruar nga detyra Ambasadorin në Malin e Zi, Ridi Kurtezin, atë të Gjermanisë Artur Kuko, të Turqisë Kastriot Robo, e atë të Shteteve të Bashkuara të Amerikës Forta Faber.
Ndërsa, ish-deputeti i Partisë Socialiste, Ervin Bushati, u emërua si ambassador i Shqipërisë në Shtetet e Bashkuara të Amerikës, por që i njëjti do të jetë ambasador jorezident në Shtetet e Bashkuara të Meksikës, Republikën e Panamasë, Republikën Domenikane, Republikën e Guatemalës dhe në Republikën e Kosta Rikës.
Si rrjedhojë, Ambasadore e Shqipërisë në Gjermani do të jetë Adia Sakiqi dhe si ambasadore e Shqipërisë në Malin e Zi, është emëruar Zhaklina Peto.
Në dekretin e Presidentit, Blerta Kadzej do të jetë ambasadore rezidente e Shqipërisë në Turqi, ndërsa jorezidente në Azerbajxhan, Krigistan, Pakistan, Gjeorgji, në Afganistan dhe në Kazakistan.
Ndonëse është liruar nga detyra e ambasadorit të Shqipërisë në Malin e Zi, Ridi Kurtezi do të jetë ambsador resident në Emiratet e Bashkuara Arabe.
Diamila Leka/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
