Ekspertët vlerësojnë që më parë duhej bërë një rritje të pensioneve më pas rritjes së pagave. Eskperti i ekonomisë Eduart Gjokutaj theksoi se rritja e pagave duhet të kishte paraprakisht një analizë më të detajuar për të shmangur pasojat.
Rritja e pagës minimale dhe asaj mesatare pavarësisht faktit se do të ndikoj në shtimin e të ardhurave në buxhetin e shtetit, por më parë duhej prezantuar një analizë për të minimizuar dhe pasojat që mund të lindin.
Eduart Gjokutaj Ekspert Ekonomie shprehet: “Përpara se të themi nëse është e shëndetshme ose jo, do të marrim në konsideratë se mbi çfarë bazash e ka marrë këtë vendim qeveria, nisur ndoshta nga rritja cilësore e shërbimeve të administratës, së dyti për të ndihmuar shtresa të caktuara të administratës apo për të aktivizuar thjeshtë rritjen e kostumit përmes rritjes së pagave. Natyrshëm që efekti i saj që nga një llogaritje paraprake që ka thënë qeveria është te 38 mld lekë në dy vite, mundet t’i japin në një pjesë të caktuar të konsumit atë impakt. Por nga ana tjetër kjo meriton një analizë përpara publikut për gjithë dilemat dhe pyetjet shteruese për të gjithë dilemat dhe pyetjet se pse pagat e punonjësve dhe jo pensionet apo diçka tjetër që qeveria e ka më problematike apo më shqetësuese”.
Sipas Gjokutajt, qeveria rritjen e të ardhurave duhet ta niste që me rritjen e pensioneve, kjo për pasojë do t’i shtoj krizën më tej për shkak të rritjes së çmimeve aktuale. “Ai është i pari për tu sistemuar, jo për indeksim por për tu rritur për arsye se niveli i pensioneve aktuale mesatare i studiuar nga të dhënat tregojnë që deri në 15% me çmimet aktuale janë me humbje dhe natyrshëm pensionistët janë mësuar ta përballojnë këtë me ndihmë nga remitancat apo ka pensionistë aktivë që punojnë”.
Gjokutaj thekson se duhet një analizë te qëndrueshmëria e pagave të rritura edhe përtej mandative qeveritare, kjo pasi është e ndjeshme për t’u mbajtur në këto stnadarde.
Diamila Leka/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
