Fermerët shqiptarë po përballen me një mbiprodhim të vajit të ullirit duke mos pasur ku ta shesin atë. Por cilat janë arsyet? Sipas ministres së bujqësisë, problem vjen nga mbjellja pa planifikim e ullinjve. Në mbarë vendin, numri i rrënjve të ullinjve të mbjellë është 10 milionë
“Kemi prodhimtari të lartë të ullirit dhe vajit. 20 % tregtohet si ullinj dhe 80 përpunohet si vaj ulliri. Kemi pasur ndër vite një problematikë sistemi në sektorin e bujqësisë. Janë 10 milionë rrënjë që herë pas herë janë mbjellë pa planfiikim, që sjellin më pas mbiprodhim në momente të caktuara dhe nuk është shoqëruar me strukturat e përpunimit, fabrikat dhe pse kemi 250 të tilla në vend” tha ministrja e bujqësisë Frida Krifca në përgjigje të interesimit të gazetarëve.
Që prej viti 2006, qeveria shqiptare ka ndjekur një politikë të subvencionimit të mbjelljes së ullinjve në vend, çka ka bërë që shumë fermerë t’I kultivojnë ato. Por vitet e fundit, ajo që po konstatohet është një mbiprodhim i ullinjve dhe iu vajit të ullirit, sëbahsku me ankesat e fermerëve që nuk kanë ku ta shesin atë.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
