Ministria e Financave nëpërmjet buxhetit të vitit 2026 do të injektojë 1 miliard lekë ose rreth 10 milionë euro si kapital në Bankën Shqiptare të Zhvillimit, e cila është një institucion i ri financiar shtetëror, i themeluar zyrtarisht në fund të vitit 2025 dhe që pritet të nisë operimet e plota gjatë këtij viti.
Ndryshe nga bankat tregtare, qëllimi i saj është financuar projekte strategjike, startup-e dhe infrastrukturë që nuk gjejnë mbështetje lehtësisht në tregun privat dhe pronësi 100 për qind publike.
Përveç kapitalit shtetëror, ajo mund të marrë hua nga institucione ndërkombëtare (si Banka Botërore apo BE) dhe të emetojë obligacione.
Shifra prej 1 miliard lekë (rreth 10 milionë euro) është kësti i parë i kapitalit fillestar që qeveria ka planifikuar të derdhë brenda vitit 2026. Ky këst është pjesë e një kapitali total të nënshkruar prej 10 miliardë lekësh.
Një nga funksionet e Bankës do të jenë skemat e garancisë Kreditore. Banka mund të marrë përsipër një pjesë të rrezikut për kreditë që bizneset marrin në bankat private.
Një ndër synimet është edhe financimi i Startup-eve dhe inovacionit dhe krijimi i linjave të para të kreditimit me interesa të buta për sipërmarrësit e rinj dhe projektet teknologjike (siç është përmendur mbështetja për laboratorë inovacioni).
Banka synon gjithashtu mundësimin e sigurimit të kontratave për prodhuesit shqiptarë që duan të shesin jashtë, duke i mbrojtur ata nga rreziqet e mospagesës nga blerësit e huaj.
Sipas ligjit të miratuar, kjo bankë nuk licencohet drejtpërdrejt nga Banka e Shqipërisë si një institucion kredidhënës i zakonshëm, por krijohet me ligj të posaçëm si një entitet publik me status të vecantë. Megjithatë, Banka e Shqipërisë ruan një rol rregullator dhe mbikëqyrës mbi aspekte të caktuara të veprimtarisë së saj, sidomos për të garantuar që operacionet e saj të mos destabilizojnë tregun financiar apo të krijojnë rreziqe sistemike.
Fondit Monetar Ndërkombëtar (FMN), ka shprehur rezerva j lidhur me rreziqet fiskale që mund të sjellë një bankë e tillë nëse nuk menaxhohet me transparencë të lartë.
Shqetësimi kryesor i Fondit lidhet me mundësinë që kjo bankë të kthehet në një barrë për buxhetin e shtetit nëse kreditë që ajo jep rezultojnë të këqija apo nëse vendimet e saj ndikohen nga faktorë politikë dhe jo teknikë. Ata kanë theksuar vazhdimisht se qeverisja e bankës duhet të jetë rreptësisht profesionale dhe e pavarur për të shmangur krijimin e detyrimeve të paparashikuara që do të rëndonin borxhin publik.
Kjo bankë administrohet nga Silvio Pedrazzi (mandat 3-vjeçar), i cili më parë ka drejtuar për shumë vite Bankës Intesa San Paolo. Këshilli Mbikëqyrës i bankës së Zhvillimit ka 5 anëtarë (Daniel Demeulenaere, Artur Asllani, Arben Shkodra, Irida Huta dhe Eris Hysi)./ B.Hoxha
Postimi ” Qeveria injekton 10 milionë euro kapital te Banka Shqiptare e Zhvillimit këtë vit ” eshte marre nga Revista Monitor.
