Aplikimet për praktika në Google për vitin 2022 u hapën më 19 tetor dhe do të mbyllen më 26 nëntor, sipas Business Insider.
Gjatë viteve të fundit, reporterët e Business Insider kanë biseduar me disa nga punonjësit aktualë dhe ish-punonjësit e Google për mënyrën se si mund të fitosh një rol në këtë kompani. Ata treguan se aftësia e lartë për të bashkëpunuar si dhe kurioziteti janë ndër karakteristikat më të vlerësuara nga ata që punojnë për kompaninë amerikane.
Do t’ju duhet gjithashtu një rezyme që do të duhet të bjerë në sy dhe të dallojë mbi të tjerat nëse dëshironi të keni një shans në Google. Përpara afatit të fundit për praktikat e reja, dy nga rekrutuesit e programit universitar të Google – Katarzyna Kamińska dhe Emily Salkey, menaxhere e programit për thithjen e talenteve të reja – organizuan një panel në hapjen e aplikimeve. Në këtë kontekst, ata ndanë rekomandime se si të diplomuarit e programit duhet të strukturojnë CV-të e tyre.
Eksperienca është “e domosdoshme”. Punëkërkuesit duhet të kenë gjithmonë parasysh se rekrutuesit janë në kërkim të informacionit konkret, veçanërisht për përvojën e mëparshme. Kjo nuk do të thotë që ju duhet të keni kaluar shumë praktika ose përvoja zyrtare pune. “Përvoja mund të ketë shumë forma, dhe ne e dimë mirë këtë,” tha Kamińska.
Nëse do të aplikoni për pozicione në teknologjinë dixhitale, rekrutuesit duhet të jenë në gjendje të dallojnë lehtësisht njohuritë tuaja për limbazhet e programimit. Mund të merren parasysh projektet relevante të shkencave kompjuterike, aktivitetet e studentore, kërkimet shkencore në të cilat keni marrë pjesë, hackathon ose projektet nga kurse të caktuara.
Është mirë të tregoni që në fillim se çfarë lloj personi jeni, kështu që duhet të përfshini përvojat vullnetare, çmimet dhe aftësitë e transferueshme në CV. Këto lloj aftësish mund të jenë ato të fituara në punë të mëparshme, në hobi ose në situata të tjera.
Për shembull, nëse punoni në kompani të vogla, do të ishte e dobishme të mendoni se si mund të përdorni në pozicionin që dëshironi në Google atë që keni mësuar në punën tuaj.
