Rivlerësimi i pronave, i cili do të jetë në masën 5%, është një hap pozitiv dhe do të sjellë zhbllokim të tregut të pasurive të paluajtshme. Kështu ka thënë për ScanTv, eksperti i tregut imobiliar Ervin Demirxhiu. Sipas tij, tatimi i reduktuar në rivlerësimin e pasurive të paluajtshme duhet të jetë gati më herët se fundi i shtatorit që është parashikuar.
“Tregu imobiliar ka qënë në kolaps, shitjet pothuajse janë zero. Kanë shitur ato që kanë pasur shumë urgjente. Masa 5% është shumë më mirë se 15%, do e ndihmojë tregun, barra fiskale për qytetarët do të ulet” – thotë Demirxhiu.
Eksperti sugjeron se nga dy mënyrat për këtë proces, duhet të merret një vlerësues pronash, për ta çuar në vlerën e tregut real. Më herët janë realizuar dy procese të tilla, ku në thelb kjo është një amnisti, por duke marë parasysh referencat e reja, Demirxhiu specifikon se vëmendjen më të madhe e merr Tirana, si dhe bregdeti.
“Ky është një proces ku vëmdjen më të madhe e merr kryeqyteti, për vetë faktin se ka numrin më të lartë të ndërtimeve, por një vendje të lartë do të kenë qytetet bregdetare që këtë vit kanë pësuar rritje shumë të lartë të çmimeve. Ato do të jenë pjesë shumë e rëndësishme për vetë faktin që kësaj here janë marë në kosideratë dhe disa objekete që kanë qënë të pacertifikuara. Kjo besoj që do rrisë akoma më shumë numrin. Kemi objekte që janë në proces legalizimi, kemi objekte që janë në proces ndërtimi që ende nuk janë kolauduar, janë pallatet e reja dhe të paktën sipas projektligjit që u paraqit në muajin Maj, besoj se do të jenë më shumë se 50 mijë prona“- shton Demirxhiu.
Po në muajin Shtator do të nisë puna edhe për përshpjetimin e procesit të legalizimeve të pronave ku rol kyç krahas Kadastrës kanë edhe bashkitë. Në fushtatat e kaluara të rivlerësimit, shteti ka arkëtuar rreth 45 milionë euro, ndërsa ky proces kërkon realitivisht një masë më të madhe parash.
Alida Lula /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
