Kjo është situata që çdo ditë një shofer që kalon në rrugën dytësore Tiranë-Durrës (Rinas), që është edhe rruga e zonës industriale, duhet të përjetojë. Rrugë e amortizuar, gropa të thella të mbushura me ujë të cilat përveçse krijojnë trafik, kthehen edhe në burim aksidenti.
Mjafton në vëzhgim i thjeshtë në këtë rrugë dhe shoferët janë të indinjuar për të shprehur shqetësimin e tyre i cili mesa duket ka vite pa u marrë parasysh.
Jo vetëm për shoferët, kjo rrugë është kthyer edhe në kosto për bizneset përsa i përket kohës nga trafiku i shtuar por dhe largimit të klientëve të cilët nuk do të udhëtonin në këtë rrugë.
Në rrugën dytësore Tiranë-Durrës ndodhen me rreth 250 biznese që ushtrojnë aktivitetin e tyre. Një problem i shtuar është edhe për autobusat e linjës, të cilët detyrohen të presin në trafikun e krijuar për transportimin e qytetarëve të zonave përreth. Në periudhë festash në këtë rrugë pritet të shtohen më shumë lëvizjet duke e rënduar më shumë situatën aktuale. Investimi për rregullimin e rrugës dhe marrja e një plani masash për lehtësimin e trafikut janë thirrjet që shoferët bëjnë.
Marinela Lina/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
