Pavarësisht se makinat me benzinë të pastër ruajnë pjesën individuale më të lartë, 48.3% e 10.7 milionë makinave të reja të regjistruara në Bashkimin Europian në 2023 ishin makina hibride dhe elektrike.
Në vitin 2023, 48.3% e 10,7 milionë makinave të reja të regjistruara në BE ishin makina hibride dhe elektrike.
Sipas të dhënave të fundit të Eurostat, kjo përqindje ishte thuajse e barabartë me 48.8% të makinave tradicionale me benzinë dhe naftë.
Edhe numri i makinave elektrike me bateri në vendet e BE-së në 2023 e kalon 4.4 milionëshin, një shifër rreth 88 herë më e lartë se ajo në 2013 dhe 12 herë më e lartë krahasuar me vitin 2018.
Megjithatë, makinat me benzinë të pastër ruajtën pjesën individuale më të lartë, 34.5%. Makinat hibride benzinë – elektrike jo plug-in renditeshin në vend të dytë, me 21.1%.
Makinat elektrike me bateri përfaqësojnë 14.5%, duke lënë pas makinat me naftë të pastër, me 14.3%
Cilat vende të BE-së kryesojnë në blerjen e makinave hibride dhe elektrike?
Në pesë vitet e fundit, numri i flotave të makinave të pasagjerëve është rritur në të gjithë Bashkimin Europian.
Në nëntë vende të BE-së, pjesa e makinave hibride dhe elektrike në regjistrimet e reja e kalon 50% në vitin 2023.
Finlanda kryeson në BE në blerjen e makinave hibride dhe elektrike, me 78% të regjistrimeve të reja, nga të cilat 44% janë hibride dhe 34%, elektrike.
Në vend të dytë është Suedia, me 69%, nga të cilat 30% hibride dhe 39% elektrike.
Holanda regjistroi një total prej 68%, ku 37% janë makina hibride dhe 31% makina elektrike.
Në anën tjetër, Bullgaria regjistroi peshën më të ulët, me 7%, ndjekur nga Çekia, 20% dhe Kroacia, me 28%.
/ Euronews
Postimi ” Thuajse gjysma e makinave të reja në BE në vitin 2023 ishin hibride dhe elektrike ” eshte marre nga Revista Monitor.
