Kryeqyteti duket se po jep mundësi të shumta për të eksperimentuar me biznese të ndryshme. Ndonëse 2022 është parë si vit i vështirë në sektorë të ndryshëm të ekonomisë por për klimën e bizneseve të reja shifrat tregojnë ndryshe.
Referuar të dhënave nga Open Data Tirana në vitin që lamë pas, në kryëqytet janë hapur 9286 biznese të reja.
Të dhënat tregojnë, ashtu sikurse realiteti, shqiptarët nuk largohen nga tradicionalja e të bërit biznes të cilët investojnë kryesisht në bar kafe. Në përllogaritje shihet se bizneset e njësive të shërbimit kryesojnë më së shumti duke regjistruar në 4632 të tilla.
E duke u pasuar në shitjet me pakicë të cilat shënuan 2343 subjekte të reja. Por nga ana tjetër çfarë thonë shifrat për bizneset që janë mbyllur?
Po në të njëjtat të dhëna raportohet se më pak biznese janë mbyllur në kryeqytet duke arritur në 2709 në total. Numri i bizneseve të cilët janë mbyllur më së shumti janë ato të subjekteve me pakice, që nënkupton markete, dyqane të ndryshëm etj duke arritur në 1064 në total.
Ndërsa përsa i përket njësive të shërbimit, janë mbyllur 859 të tilla. Ndërkohë gjatë 2022, në të gjitha njësitë administrative në kryeqytet operojnë 64748 subjekte aktive.
Diamila Leka/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
