Agjencia e Statistikave të Kosovës ka treguar se çmimit këto ditë janë rritur tek disa produktet konsumuese. Çmimi i sheqerit ka arritur në rreth 6 euro. Kurse, 30 copë vezë janë shtrenjtuar me mbi 4 euro. Derisa çmimi i naftës ka shkuar në 1.72 euro.
Rritja e çmimeve për produktet bazike nuk ka të ndalur në Kosovë. Çmimi i sheqerit ka arritur në rreth 6 euro për 5 kilogramë.
Sipas të dhënave më të fundit nga Agjencia e Statistikave të Kosovës (ASK), vërehet se lëvizje e çmimit këto ditë është shënuar edhe në produktet tjera, si vezët e derivatet e naftës.
Pak ditë më parë, 5 kilogramë sheqer janë tregtuar me 5.28 euro, derisa tash po tregtohet me 5.90 euro.
Po ashtu, 30 copë vezë janë shtrenjtuar me mbi 4 euro.
Derisa çmimi i naftës është shtrenjtuar në 1.72 euro. Çmimi për dru bungu për zjarr për 1 metër kub po tregtohet me rreth 70 euro, ndërsa dru ahu me 50 euro.
Kuvendi i Kosovës ka miratuar Projektligjin për vendosjen e çmimeve tavan në produktet themelore.
Produktet të cilat do kenë çmim tavan janë drithërat, mielli, gruri, buka, orizi, pastat, vaji ushqimor i lulediellit, qumështi, kripa e kuzhinës, vezët e pulës, mishi i pulës, sheqeri kristalor, produktet e higjienës personale, si dhe lëndët e drurit për djegie.
Gjatë shqyrtimit që është bërë nga deputetët nga opozita kanë shprehur kritika ndaj këtij Ligji duke e kualifikuar atë si anti-kushtetues dhe në kundërshtim me ekonominë e tregut të lirë.
Ministrja e Industrisë, Ndërmarrësisë dhe Tregtisë, Rozeta Hajdari pati theksuar se ky Ligj është hartuar për shkak të rritjes së paarsyeshme të çmimeve bazë duke shtuar se do të aplikohet në raste të veçanta të destabilizimit në treg.
“Duke marrë parasysh situatën aktuale të rritjes së paarsyeshme të çmimeve të produkteve bazë, si dhe ankesave të shumta të qytetarëve për rritjen e menjëhershme të çmimeve tek të gjitha produktet bazë, Ministria e Tregtisë dhe Qeveria ka hartuar ligjin i cili do të aplikohet në rastet e destabilizimit në treg”.
Në Kosovë, sipas Agjencisë së Statistikave, inflacioni në muajin shtator ka arritur në 12.7 për qind, krahasuar me 0.2 për qind sa ka qenë në shtator të vitit të kaluar.
Postimi ” Vazhdon rritja e çmimeve në Kosovë; shtrenjtohen vezët, sheqeri dhe nafta ” eshte marre nga Revista Monitor.
