Në mbledhjen e Këshillit të Investimeve, bizneset i janë rikthyer kërkesës për rritjen e kapacitetit të instaluar të paneleve fotovoltaike për qëllime autokonsumatore. Ata sollën në vëmendje se kapaciteti prej 0.5 MW është i pamjaftueshëm për të plotësuar nevojat e tyre, teksa për shumë ndërmarrje kjo sasi mundëson vetëm 20% të energjisë nevojshme.
Enea Karakaçi, nga Ministria e Infrastrukturës dhe Energjisë tha se shkak për kufizimin e siasisë së në 0.5 MW është rrjeti i amortizuar. Karakaçi sugjeroi bizneset, që krahas aktivitetit të tyre të kthehen edhe në prodhues energjie e të bashkëpunojnë me tregtarët e energjisë.
Prerj kohësh bizneset kanë kërkuar rritjen e kapacitetit të lejuar për instalimin e paneleve fotovoltaike për prodhimin energjisë për qëllime autokonsumatore, por kjo kërkesë nuk u mor në konsideratë edhe në projektligjin ”Për nxitjen e përdorimit të energjisë nga burime të rinovueshme”, që aktualisht ka shkuar në Kuvend për diskutim.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
