Armela Duka/
Pas analizës që “Scan Intel” ka bërë mbi numrin e mjeteve të regjistruara në vend, këtë herë është ndalur në markat më të përdorura në Shqipëri si dhe shpërndarjen e tyre sipas qarqeve.
Të dhënat e INSTAT, tregojnë se në vitin 2023, qarku me numrin më të lartë të mjeteve rrugore është qarku i Tiranës me 34.7 %, ndjekur nga qarku i Durrësit me 13.4 % dhe qarku i Fierit me 9.3 %. E njëjta ecuri sipas qarqeve, vihet re edhe për mjetet rrugore autovetura.
Ndër markat kryesore të autoveturave që qarkullojnë në vend, dominojnë marka “Volkswagen” me 18.6%, e ndjekur nga “Mercedes Benz” me 18.1 %, dhe “Daimler Chrysler” me 9.8%
Nëse analizojmë markat sipas vitit të prodhimit vihet re se ë vitin 2023, se 35.6% e automjeteve që i përkasin markës “Mercedes Benz” ishin me vit prodhimi para 2000 dhe 20.2% ishin prodhim i viteve 2011-2023. Ndërsa, “Volkswagen” regjistrohet si marka më e përhapur e autoveturave me vit prodhimi 2000-2010.
Numri më i madh i autoveturave që qarkulluan në vendin tonë në vitin 2023 kanë përdorur lëndë djegëse “Naftë” duke zënë 73.5 % nga 73.7 % në vitin 2022, ndjekur nga autoveturat që përdorin lëndë djegëse “Benzinë” me 16.3 % ndaj numrit gjithsej të autoveturave nga 16.7 % që ky grup zinte deri në vitin 2022.
Të njëjtën ecuri kanë ndjekur edhe regjistrimet përsa i përket numrit të autobusëve të regjistruar në vitin 2023, që kanë përdorur lëndë djegëse “Naftë”, për këtë kategori regjistrimet janë është rritur me 4.1 %, ndërsa numri i autobusëve që kanë përdorur lëndë djegëse “Naftë+Elektrik” është rritur me 41.9 % krahasuar me vitin 2022.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
