Rreth 7 milion mwh energji u prodhuan gjatë vitit 2022, teksa hidrocentralet e Kaskadës së Drinit dominuan prodhimin me mbi 55% të sasisë totale. Sipas të dhënave të siguruara nga TV , në raport me një vit më parë ka një rënie të prodhimit total, duke qenë se gjatë 2021 u prodhua gati 9 mln mwh energji.
Ndërkaq, konsumi total gjatë vitit që lamë pas arriti në 7.9 mln Mwh energji, teksa 18.4% e kësaj energjie shkoi për mbulimin e humbjeve të energjisë në rrjet. Kjo shifër e lartë nënkupton shpenzime të mëdha për import energjie, që ndikohet edh emë tepër nga ccmimet me të cilat u tregtua energjia gjatë vitit 2022. Ndërkohë që, ajo është edhe më e lartë se sasia totale që konsumuan mbi 7 800 biznese, që furnizohen nga OSHEE nën rolin e Furnizuesit të Mundësisë së Fundit.
Kjo kategori, konsumoi gati 14% të energjisë totale. Ndërkaq, edhe gjatë vitit 2022 vijoi prodhimi i energjisë nga centralet fotovoltaike, ndonëse sasia e gjeneruar është tejet e ulët në raport me energjinë e prodhuar nga burimet hidrike. Në total këto impiante prodhuan rreth 50 mijë mwh energji, një sasi thuajse e njëjtë me një vit më parë.
Po ashtu, kjo shifër është tregues se diversifikimi i burimeve të prodhimit të energjisë është ende larg, teksa asnjë zhvillim i rëndësishëm nuk është shënuar, të paktën në drejtim të hyrjes në prodhim të impianteve të reja.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
