Rreth 85% e shqiptarëve të përfshirë në Pyetësorin e Katërt të Jetës në Tranzicion, zhvilluar nga Banka Evropiane për Rindërtim dhe Zhvillim, janë të shqetësuar për degradimin mjedisor dhe ndryshimet klimatike.
Raporti përfundimtar i tranzicionint 2023 -2024 do prezantohet të hënën, por të dhënat paraprake tregojnë se një pjesë e madhe e qytetarëve janë të gatshëm të mbështesin shpenzime më të larta në politika mjedisore, ndërsa 29 për qind janë të shqetësuar për mjedisin por nuk janë të gatshëm të paguajnë për mbrojtjen mjedisore. Sa i takon sektorit të energjisë, theksohet se Shqipëria ka nivele relativisht të vogla të emetimeve CO2, duke qenë se vendi e prodhon pothuajse të gjithë energjinë nga burimet hidroelektrike.
Ndërkohë që, objektiv mbetet siguria energjitike dhe aftësia për ta përballuar financiarisht atë përmes diversifikimit të burimeve të energjisë së rinovueshme. Teksa, citon mbështetjet e dhëna nga BERZH në këtë drejtim, vihen në dukje ankandet e zhvilluar deri më tani për parqet diellore në Karavasta e Spitallë, si dhe ankandin e përmbyllur në vitin 2023 për energjinë e erës. Po ashtu, sipas BERZH, ankandi 300MË për energjinë diellore i prezantuar në janar të këtij viti me mbështetjen e Bankës është një tjetër objektiv i realizuar.
Ndëkaq, raporti sjell të dhëna edhe mbi ndryshimin e punës, ndryshimin e shtëpisë, efektin në shëndet dhe efektet mbi treguesit e kënaqësisë së jetës. Sipas pyetësorit, 47 për qind e të pyeturve në Shqipëri thonë se janë të kënaqur me jetën dhe ky tregues ka dëshmuar stabilitet në kohë.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
