Bonot e thesarit e kanë nisur edhe vitin 2024 në ujëra të cekta, fare pranë normës bazë të interesit, e cila që prej nëntorit të shkuar gjëndet në vlerën rekord prej 3.25. Në fakt, në ankandin e parë të janarit, bonot me afat maturimi 12-mujor kanë parë prani shumë të ulët investitorësh, si dhe normë interesi fare pranë kufirit prej 3.25. Ato u shitën në ankandin e kësaj jave me yieldin mesatar të ponderuar prej 3.40%, me rritje të papërfillshme nga 3.36% në ankandin e 26 dhjetorit.
Yielde të ngjashme me ato të nëntorit, kur Banka e Shqipërisë vendosi rritjen e radhës së normës bazë të interesit, duke konfirmuar mungesën e presioneve rritëse. Diferenca mes normës bazë të interesit dhe yield-it të bonove 12-mujore rezultoi në janar në nivelin 0.15 pikë përqindje, duke ngelur pranë niveleve më të ulëta historike.
Por e veccanta e ankandit të janarit ishte mungesa e theksuar pranisë së individëve dhe institucioneve të interesuar për të investuar në bono një vjeccare, edhe më i kërkuari si nga bankat, ashtu edhe individët. Nga 14 miliardë lekë që ishte shuma e shpallur në ankand na Ministria e Financave, në ankand u paraqitën gjithsej kërkesa nga investitorët në vlerën e 10.5 miliardë lekëve.
Mungesë interesi për të investuar që nisi të shfaqej dukshëm në nëntorin e vitit të shkuar, dhe pikërisht kur duhej të ndodhte e kundërta, pasi në nëntor, Banka e Shqipërisë rriti në 3.25% normën bazë të interesit.
Rritja e fundit e normës bazë në nëntor, që solli edhe rritje të lehtë të normave të bonove në dy ankandet pasues, sugjeroi se mund të kishim rritje të qëndrueshme të yield-eve në vijim, si dhe që disa aktorë të rëndësishëm do largoheshin prej tyre për momentin, në pritje të kthimeve më të larta. Pritshmëri që u rrëzuan në ankandin e fundit të dhjetorit, kur prania e investitorëve qe e lartë.
Shuma e shpallur nga Qeveria në ankand ishte 7 miliardë lekë, apo afërisht 70 milionë euro, ndërsa totali i shumës së vënë në dispozicion nga investitorët thuasje 10 miliardë lekë, apo afërisht 100 milionë euro. Mungesa e interesit për të investuar në janar, mund të sugjerojë se disa aktorë janë vënë në pritje të yielde-eve më të larta në vijim, pas ndonjë ndërhyrje tjetër të Bankës së Shqipërisë në normën vazë të interesit.
Lorenc Rabeta/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
